Ақтөбеде терактіге дейін қаруланғандар туралы естіген учаскелік полицейлер қол қусырып отыра берген
GK Game News - шаблон joomla Продвижение
Айдарлар
Menu

 Кіру / Тіркелу

Ақтөбеде терактіге дейін қаруланғандар туралы естіген учаскелік полицейлер қол қусырып отыра берген

Ақтөбеде лаңкестік оқиға басталмай тұрып тұрғындар онға жуық адамның қарумен жүгіріп келе жатқанын көріп, полиция қызметіне хабарласқан. Байланысу мүмкін болмаған соң учаскелік полицейге хабар береді. Алайда шенділер  ешқандай әрекет жасамаған. Бір қызығы атыстан кейін де учаскелік полицейлер қарасын көрсетпепті. Бұл туралы NUR.KZ порталы жазды. 

 

"Паллада" қару-жарақ дүкенінің алдында атыстың қалай басталғанын тұрғындар айтып берді. 

"Сол күні аулада 7-8 адамның үлкен қарумен жүгіріп келе жатқанын көрдік. 102 телефонына хабарласып, ала алмадық. Тезірек əрекет етсін деп учаскелік полицияға хабарластық. Ол 102 телефонына хабарласыңдар деп тұтқаны тастай салды. Ешқандай əрекет жасамады. Учаскелік полиция бізге не үшін керек? Осы жағдай болғаннан кейін де ол бізге келген емес",- дейді оқиғаны көзімен көрген тұрғын Лариса Драбовская.

Тұрғындар қазір қару сақталған дүкеннің үстінде қорқынышпен отырғандарын айтады.

"Біз оттың үстінде отырмыз. Қаншама қару-жарақ, атылғыш заттар сақталған дүкеннің үстінде жүздеген адам тұрып жатыр. Əскерилерді тал түсте қырып салған лаңкестерге қарсы тұра алмағандар біздің қауіпсіздігімізді қалай қорғайын деп отыр? ",- дейді тұрғын.

Ақтөбенің қақ ортасындағы қару-жарақ дүкенінде тұрып жатқандар бұл дүкеннің алдап салынғанын айтады.

"Осы "Паллада"салынар кезде бізге шаруашылық дүкені салынатынын айтты. Оның төбесіне "қару-жарақ дүкені" деп ілінгенде бірнеше жерге арыз жаздық. Əкімшілік, жергілікті билік мəн біріп те қараған жоқ", - дейді Лариса Драбовская.

Қара жамылған келіншектерін ерткен сақалдылар сол ауданнан "халал" дүкен де ашқысы келген.

"Паллада" ашылғаннан кейін осы жерде сақалдылар қаптап кетті. Жертөлеге "халал" дүкен ашатындарын айтты. Барлық тұрғындар бірден қарсы шығып, митинг жасадық. Ақыры салғызған жоқпыз", - деген тұрғын өзінің әлі қорқынышпен жүргенін айтты.

NUR.KZ тілшісі осы жайтқа қатысты полицейлердің пікірін сұраған. Алайда, олар қаладағы жағдайға байланысты сұраққа жауап беруден бас тартты.

© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Наверх

Басқа бас мақалалар

Құл-Мұхаммед: "Ақтөбеде күйеуінен айрылып, аңырап жылаған әйелді көргенде кірерге жер таппадық"

Ақтөбе облысында ҚМДБ төрағасы, Бас мүфти Ержан қажы Малғажыұлы, «Нұр Отан» партиясы төрағасының бірінші орынбасары Мұхтар Құл-Мұхаммед, облыс басшысы Бердібек Сапарбаев жастар ұйымының мүшелері, имам...

Korrespondent.kz Оқиғалар

ОҚО-да ақынның әйелі салафиттерге қарсы шығу керектігін айтып дабыл қақты

«Хабардың» бұрынғы тілшісі, ақын Ақберен Елгезектің жары Дина Елгезек Ақтөбедегі орын алған лаңкестік әрекеттен соң елдегі жағдайға алаңдатушылық білдіріп отыр. Салафиттік ағымнан келетін қатерден қау...

Korrespondent.kz Қоғам

Танымал продюсер Баян Есентаеваны күйеуі соққыға жығып, пышақтап кетті

Баян Есентаеваны күйеуі пышақтап кетті деп хабарлайды Время басылымына сілтеме жасаған NUR.KZ.

Korrespondent.kz Оқиғалар

Шымкенттік кәсіпкер әйел  мемлекет қаржысын қалтаға басуға болатын  бағдарламаны айтып берді

Оңтүстік Қазақстан облыстық мәслихатының депутат әрі кәсіпкер Рәшкүл Оспанәлиева «Бизнестің жол картасы-2020» бағдарламасын орындау барысындағы шикіліктердің бетін ашты. Кәсіпкер не себептен аталған б...

Korrespondent.kz Экономика

Кіру / Тіркелу

Копирайт

Сайт материалдарын қолдану үшін сілтеме көрсетуіңіз міндетті. Авторлық құқықтар және жарнама құқықтар толық сақталады.

Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауап береді.

  +7 (702) 5361474

E-mail: [email protected]

Мәтінде қате көрсеңіз, тінтуірмен белгілеп
пернені басыңыз: Ctrl+Enter