Ақтөбедегі ҰБТ барысын министр Сағадиевтің өзі барып бақылайды

Еліміздің бас педагогы  Ерлан Сағадиев 7 маусым күн өтетін ҰБТ өткізу кезінде балалардың қауіпсіздігін қамтамасыз ету мәселесін өзі жеке бақылау үшін бүгін Ақтөбеге ұшады. Сәйкес тапсырманы ҚР Премьер-Министрі Кәрім Мәсімов берді. Бұл туралы Үкімет басшысының "туиттердегі" ресми парақшасында ақпарат таратылды.

 

«Балалардың қауіпсіздігін қамтамасыз ету мақсатында кеше кешке екі пунктте ҰБТ-ді өткізудің мерзімін бір күнге 6-нан 7-ші маусымға ауыстыру туралы шешім қабылданды. Барлық оқушыларға, ата-аналарға және ұстаздарға бұл хабар жеткізілді. Барлық пункттерде ҰБТ тапсыру штаттық режімде өтіп жатыр. Егер сәйкес тапсырма берілсе, мен өзім барып, Ақтөбе қаласындағы ҰБТ-дің өтуін бақылаймын», - деді Е.Сағадиев дүйсенбіде өткен ҚР Үкіметі отырысында. 

«Бүгін отырыстан кейін ұшып барып, облыс әкімімен бірге осы мәселені қадағалаңыз», - деген тапсырма берді Премьер-Министр Кәрім Мәсімов.