Шымкентте көшедегі арықтан граната табылды
Фото: 1aidcn.org
Шымкенттік көшелердің біріндегі арықтан граната табылды. Әрине, бұл жаға ұстарлық жайт жұртшылықты шошытқаны белгілі. Қуанышқа орай табылған граната адам өміріне қауіпсіз болып шықты. Яғни, ол оқу-жаттығу жұмыстарына арналған екен. Бұл туралы Оңтүстік Қазақстан облыстық Ішкі істер департаментінің баспасөз қызметі хабарлады.
Баспасөз қызметінің мәліметінше, кеше кешкі уақытта Шымкент ҚІІБ Абай ПБ кезекші бөліміне қала көшелерінің біріндегі арықтан гранатаға ұқсас заттың табылғаны туралы хабар келіп түскен.
Оқиға орнына барған полиция қызметкерлері табылған екі құрылғы үйренуге арналған граната екенін анықтаған. Табылған зат тәркіленді. Тексеру жүргізілуде.
© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Теги
- шымкент
- гранат
- ОҚО
- Шымкент полицейлері
- Шымкент полиция
- Корреспондент
- қызық ақпарат
Пікір үстеу
