Қазақстанда қаңтар-ақпан айларында 284 көлік өртеніп кеткен

Ведомство мәліметінде екі айда 243 жеңіл, 33 жүк көлігінің, сонымен қатар 7 автобус пен бір трактор өртенгені жазылған. Айта кету керек, елімізде 2013-2015 жылдар аралығында 6712 өрт орын алған. Бұл республика бойынша автокөліктердің өртенуі 27 пайызға артқанын көрсетіп отыр.  Екі жыл ішінде өртке оранған техинканың басым көпшілігі (5247) жеңіл көліктер. 957-сі жүк көлігі болса, қалғаны автобус, троллейбус және трактор. Тасымал құралдарының өртенуіне көбіне электр желілерінің тұйықталуы мен жүргізушілердің өрт қауіпсіздік шараларының сақтамауы себеп болған. Сондай-ақ, эксплуатация мерзімі 15 жылдан асқан көліктерде төтенше жағдайдың орын алу қаупі жоғары.