Жындыханаға жатқызылған Маржан Тұрлыбаеваның дені сау болып шықты

Журналист әлеуметтік желілердің біріндегі парақшасында жағымды жаңалықты көпшілікпен бөлісті.

«Сүйінші хабар!!! Мен күткен сенім ақталды! Маржан Тұрлыбаеваның дені сау, өз сөзіне жауап бере алады, ақыл есі дұрыс болып шықты. Сегіз жыл бойы есі ауысқан деп жындыханада мәжбүрлі түрде ұстаған Маржанға , Республикалық сот медициналық сарапшылары оң нәтиже берді. Күнгейлік дәрігерлердің қойған диагнозын жоққа шығарып , шизофренияның жәй түрі анықталмаған.Қорытынды бойынша Маржан қоғамға қауіпті емес. Қайта жындыханадан шығып, жәй-барақат өмір сүрүге құқылы» деп жазды Гұлжан Байназарова. Мұнан соң журналист жергілікті дәрігерлердің жасап отырған қылығына қарны ашатынын да ашына жазған.

«Бірақ, республикалық сарапшылардың берген қорытындысына оңтүстіктің дәрігерлері мойынсұнғысы келмейді, өйткені сегіз жыл бұрынғы былықтарының ашылып қалатынынан қорқады. Бұл сүйінші хабарды экран арқылы сұрамақ болғанымызда , жауаптылар бір-біріне сілтеп бастарын алып қашты. Сүйінші хабарды халыққа жеткізгісі келмейтіндердің қатарында ОҚО жұмыспен қамту және әлеуметтік бағдарламалар басқармасына қарасты мекемелердің барлығы бар» деп жазды ол.  Ал халайық , Маржан қыздарыңыздың дені сау! Ендігі арманы - жындыхана қабырғасынан босап шығып, ел қатарлы өмір сүру. Сот сараптамасындағы қорытынды жүзеге асатын күн жақын»,-деді ол. Журналисттің жазбасынан түсінгеніміз, жындыханаға тоғытылған Тұрлыбаеваның ақыл-есі дұрыс деген сараптама қорытындысы шыққанымен, жауаптылар оны ол мекемеден шығаруға асығар емес екен.