Алматы қаласының миллионыншы тұрғыны Бауыржан Қадырсызов Астананың миллионыншы тұрғыны Саида Мұхамедиярға ұзақ та қызықты өмір тіледі, деп хабарлайды BNews.kz.

Танымал журналист Дина Елгезек (Төлекова) Астана әкімі Әсет Иесекшевті ел алдында өтірікші деп сөгіп тастады. Бұған күні кеше астаналық миллионыншы тұрғынның дүниеге келуі себеп болған. Әрине, дүйім жұрттан "Астананың миллионыншы тұрғыны дүниеге келді" деп сүйіншілеткен биліктің бұл мәліметіне тек журналист емес, көптеген қазақстандықтар күмәнмен қараған болатын. Тіпті көбі мұндай статистиканы күлкіне айналдырған да еді. 

Бүгін еліміздің бас қаласы Астанада миллионыншы тұрғынның дүниеге келгені туралы ақпарат тарап, жұртшылық қуанған болатын. Алайда бұл статистикаға күдікпен қарағандар саны басым. Себебі олар небәрі екі айда астаналықтар санының 120 мыңға артуы мүмкін емес дегенді айтып отыр. Бұл әсіресе әлеуметтік желілерде қызу талқыланып, мұндай статистиканы мазаққа айналдырғандар да табылды. Тіпті бірі өткен жылдың қыркүйек айында Астанада жаппай бала көтеру науқаны орын алды деп қалжыңдап жазған. Басым көпшлігі мұндай мәліметті таратқан биліктен ел алдына шығып, аз ғана уақыттың ішінде халық санының бұлайша артуын түсіндіріп беруді талап етіп отыр. Олардың қатарында танымал саясаткер Айдос Сарым да бар.