Белгілі әнші, "МузАРТ" тобының мүшесі Сәкен Майғазиевті отбасылы еркектердің етегінен ұстап, көлікті болып жүрген қыздардың, яғни, тоқалдардың жағдайы алаңдатып отыр. Бұл туралы өнер жұлдызы отандық арналардағы бағдарламалардың біріне берген сұхбатын жайып салды.

"Қазақстан аруы-2014" Регина Вандышева Мәскеуде  өткен "Ресей аруы-2016" сұлулық байқауына қатысты, деп хабарлайды Tengrinews.kz.

Сыртқы болмыстарының ерекшелігімен қоғамның басым көпшілігінің наразылығын туғызған «Ninety One» тобының жігіттері әлі де даудан арыла алмай жүр. Cыртқы келбеттері қазаққа жат деп таныған қоғам белсенділерімен қатар діндарлар жігіттердің «Айыптама» атты әніне түсірілген бейнеклипінде сатанизм мен масондардың белгілері бар екенін айтқан болатын. Алайда топ продюсері бұл сөзбен келіспейтіні туралы мәлімдеме де жасаған. Топ шығармашылығын тоқтатқан жоқ. Елге танымал әнші Сәкен Майғазиев жігіттерге өз кеңесін беріп те үлгерді. Отандық арналардың біріндегі «РЕВЮ» бағдарламасына берген сұхбатында  әнші Майғазиев топ мүшелерін трансвистит болу секілді шайтани істерден аулақ болуға шақырғанын жасырмаған.

"Ninety one" тобының продюсері Ерболат Беделханның жұбайы Асыл Беделхан Instagram желісінде аталмыш топты сынаушылар жас өнерпаздардың еңбегін бағаламайтынын ашық айтты, деп жазды NUR.kz порталы. 

 "Сіздер тек сыртқы келбетті ғана байқайсыздар. Өнерпаз алға қойған мақсатына жету үшін қанша тер төгетінін білмейсіздер. Терең бойласаңыздар, қызғанышқа орын болмас еді", - дейді Асыл Беделхан.

"Ninety One тобы туралы жағымсыз пікірлер айтпас бұрын олардың қандай өткелден өткеніне көз жеткізіп алғандарыңыз дұрыс. Төзім, тынымсыз еңбек - олардың серігі. Тіпті қазірдің өзінде, жас жігіттер өнеріне қатысты айтылған сынға қарамай, қажырлы еңбек етуде", - деп жалғастырды ойын продюсердің жұбайы.

"Ал музыкалық топтың өнерін ұнатпайтындарға және қазақ эстрадасының жұлдыздарына айтар сөзім жоқ. Болашақта бәрін өмірдің өзі көрсетер, қазір әңгіме қозғаудың түк пайдасы жоқ", - деді Ерболат Беделханның жұбайы.