Жаңа әкімнің тағайындалуына байланысты ма, әлде басқа себептері бар ма, ОҚО әкімінің орынбасарлары біраз жаңаратын сияқты. Елбасының идеясы бойынша, «екінші әкімнің» міндетін атқарып, тек инвестиция мен индустрияландыру мәселелеріне ғана жауапты болған «Болашақтың» түлегі Сапарбек Тұяқбаев түнеугүні Астанаға кетті.

Газетіміздің өткен нөмірлерінің бірінде «ОҚО әкімі орынбасарларының бірі Шымкент қаласы әкімінің қызметін сұраған көрінеді» деп жазған едік. Айтып болғанымыз сол екен, Шымкент қаласы әкімін сын тезіне алған мақалалар мен небір қиямпұрыс әңгімелер пайда бола бастады.

ОҚО-ға жаңа әкім тағайындалғаны сол екен, енді біраз дөкей жылы орнынан қозғалып, басқа бір орындарға ауысып қалуы ықтимал. Ұзынқұлақтан естуімізше, басқа жаққа кетуі мүмкін кісілердің ішінде облыс әкімінің бір «замы» да бар екен. Қызметімізге кейбір ұқсастықтарымыз кесірін тигізуі мүмкін деді ме, әйтеуір тойған қозыдай томпиып отырған замәкімге «таяуда бір жаққа кеткенің дұрыс-ау» дейтін әңгіме айтылыпты-мыс.

Шымкентте жаңа жоба қолға алынды. Енді тұрғындар мен қала қонақтарының велосипедтерді жалға алып, қаланы аралауына мүмкіндік туып отыр. Оның ашылу салтанаты әл-Фараби атындағы орталық алаңда өтті. Оған Шымкент қаласының әкімі Ғабидолла Әбдірахымов қатысты.