Таразда «магнитті бала» бар. Түрлі-түсті металдарды денесінде ұстап тұра алатын қасиетке ие алты жасар Нұрдәулеттің мұндай ерекшелігін алдымен атасы байқапты. Қазір баланың қабілеті күн санап арту үстінде. 

Сонау 2006 жылы ВИЧ індетін жұқтырып алған балалардың ата-аналары «СК-Фармацияны» дәрілерді тым жоғары бағамен сатып алады деп айыптап отыр. Оның дәлелі ретінде 2014 жылғы кедендік декларацияны көрсетті.

Жыл басынан бері Оңтүстік Қазақстан облысында 23 адам ботулизмге шалдыққан. Соның бесеуі балалар. Үйде тұздалған тағамнан уланған түркістандық тұрғын дер кезінде дәрігерге қаралмай, ауруы асқынып, көз жұмыпты.

Тағы да шаһар тазылығы туралы сөз қозғамақпыз. Бұл жолы ластанған ауаны жұтуға мәжбүр болып келген шымкенттік тұрғындар қоқыс полигонына баратын жолды жауып тастады.

Арыс ауданына қарасты Монтайтас елдімекенінде әлдекім жұртшылықтың жинаған шөбін өртеп жүр. Төтеннен тұтанған тілсіз жаудан халық әбден мезі болған көрінеді. Жергілікті тұрғындардың қыстың қамымен жинаған мал азығына қырғидай тиіп жүрген кім екені белгісіз. Жем-шөп сақтайтын қора-қопсылары өртке оранып, оның тек күлі ғана қалған. Әккі әрекетімен ауылды әуреге салған бұзақы әлі күнге ұстатпаған. Оған тіпті, полицейлердің де пәрмені жетер емес.

Жыл басынан Оңтүстік Қазақстан облысындағы полиция қызметкерлеріне 75 рет қарсылық көрсетілген. Соның 60-ы бойынша іс сотқа жолданыпты. Өткен аптада, яғни 2015 жылдың 22 қазаны күні Шымкент қаласындағы Тельман бөлімшесінде 62 жастағы азамат және оның апталдай екі ұлы жабылып, полиция қызметкерін сабап тастайды. Онымен қоймай көлігінің терезе әйнегін сындырған. Сондағысы не? Полиция капитаны әлгі ағалы-інілі жігіттердің біріне «сотқа шақырту» қағазын алып келген. Ашығын айтсақ, інісі ұсақ бұзақылық жасаған екен. Бірақ, адамды соттайтын полицей емес, басқа өкілетті тұлға екенін білмеген тельмандық тұрғындар әуелгіде тәртіп сақшысын бас салып таяққа жығады. Енді олар ұсақ бұзақылық үшін емес, құқық қорғау қызметкеріне жабылып күш көрсеткені үшін жауапқа тартылды.