24 сәуірде Атырауда жер сатуға қатысты наразылық митингі өткен болатын. Бұл оқиға ел бойынша қызу талқыланды. Осыған орай Азаттық радиосы орындарына жаңа ғана кіріскен Мәжіліс депутаттарының аталған жайтқа қатысты пікірін білді. Алайда олардың наразылық шарасына қатысты айтқан ойлары әлеуметтік желі қолданушыларының күлкісін келтіріп, түңілтіп тастады. Әсіресе ұлт жанашыры деп жүрген депутат Бекболат Тілеуханның пікірін қып-қызыл өтірік дегендер табылды.

Әнші, жыршы, қоғам қайраткері Бекболат Тілеухан елге  Назарбаевты Алла тағала сый етіп бергенін мәлім етті. Ол бұл ойын жастармен өткен кезекті кездесуінде жайып салды.

Қоғам қайраткері Бекболат Тілеухан Елбасы Н.Назарбаевты қазіргі заманның батыры қатарына қосады. Тіпті ол туралы айтқан видео «youtube» видеохостингінде пайда болды. Оны Д.Қарсақбайұлы деген аккаунтпен тіркелген қолданушы жүктеген.

Видеода байқағанымыздай, Бекболат Тілеухан кезекті бір кездесуінде Н.Назарбаевтың сабырлығына қатысты ерекше тоқталып өткен.