Бөтелкелесін көкірек тұсынан пышақтап, өлтіріп қойған азаматқа қатысты сот үкімі шықты

Ішімдік ішу соңы адам өлімімен аяқталған іске нүкте қойылды. Қарағанды облыстық соты баспасөз қызметі жантүршігерлік оқиғаға қатысты ақпарат таратты.

 

Облыстық қылмыстық істер жөніндегі мамандандырылған ауданаралық сотында азамат П.-ға қатысты үкім шығарылды.

Сотталушы Б. есімді жәбірленушімен алкогольдік ішімдіктер ішкен. Одан әрі екеуінің арасында ұрыс-жанжал туындап, салдарынан айыпталушы бөтелкелесінің көкірек қуысынан бірнеше рет  ас үй пышағымен соққылаған. Алған жарақаттан жәбірленуші оқиға орнында қайтыс болған.

Айыпталушы соттың үкімімен Қазақстан Республикасы ҚҚ–нің 99-бабы 1-бөлігімен (кісі өлтіру) кінәлі деп танылды. Оған 8 жыл бас бостандығынан айыру жазасы тағайындалды. Жазасын түзеу колониясының жалпы  режимінде өтеуге белгіленген.