Қызметкерлерінің денсаулығына алаңдаған Шымкент әкімі жаппай фитнеске баруға кеңес берді
Шымкент қаласының әкімі мемлекеттік қызметте аянбай еңбек етіп жүрген бірқатар қызметкерлерді төл мерекелерімен құттықтап, көпшілікті әзіл–шыны аралас әңгімелерімен күлкіге қарық қылды.
«Мемлекеттік қызмет – әрбір ел үшін өте маңызды институт. Бұл институт әрбір елдің Конституциясына сай жасалған. Мемлекеттік қызмет деген – адамдарды басқару емес. Елдің өсіп-өркендеуіне, гүлденуіне мемлекеттік қызметшілердің қосар үлесі зор. Сондықтан қаланың қоғамдық-саяси дамуына атсалысып, білім мен жігерді елдің қалыптасуына арнағандарыңыз үшін алғысымды білдіріп, мерекемен құттықтаймын. Халық алдындағы міндетімізді барынша жауапкершілікпен атқаруға шақырамын», – деді қала әкімі Ғабидолла Әбдірахымов. Мұнан соң шаһар басшысы 40-қа жуық маманға арнайы Алғыс хат табыстап, қаладағы үздік үштікке кіретін фитнес орталықтарының абонементін сатып алу үшін 30, 35, 50 жеңілдіктер сыйлады.
«Қызметкерлерідң денсаулығы жақсы болсын деп кәсіпкерлермен сөйлестім. Қалада үш фитнес клуб бар, солардың бәрінен жеңілдік алдық...
Барлықтарыңыз спортпен айналысыңыздар. Басшыларға айта кететінім, ләжі болса кешкі жетіден кейін жұмыста ешкімді (қызметкерлеріңізді ) ұстамаңыздар» деп ағынан жарылды Әбдірахымов.
- Аким Шымкента
- Шымкент әкімі
- Шымкент қаласының әкімі
- Ғабидолла Әбдірахымов
- Габидолла Абдрахимов
- Корреспондент
- қызық ақпарат
