Шымкент әкімі велосипедке отырамын деп жұрттың сөзіне қалды
Шымкент әкімі Ғабидолла Әбдірахымовтың велосипед мінген суретін әлеуметік желі пайдаланушылары талқылап бітпей жатып, желіде әкімнің велосипед айдап бара жатқан видеоролигі жарияланды.
"Кездейсоқ" түсірілген бейнематериалдан Ғабидолла Рахматуллаұлын жазбай тануға болады. Ол өзінің "шайтанарбасына" мініп, қала көшелерінің бірімен жүйіткіп барады. Бір қызығы, бейнекамераға түсірген ер азамат әкімді артынан танып қойған секілді, деп жазады SKIFNEWS.KZ. Себебі видеода көлік жүргізушісі жолда велосипед теуіп бара жатқан әкімді артынан видеоға түсіріп, қасына жақындап, "Ғабеке, красавчик" деп айтып өтеді.
Бұған дейін Әбдірахымовтың велосипед мінген суретін шаттан тыс бұрынғы кеңесшісі Данат Жумин Instagram парақшасында бөліскен еді. Мұны талқылаған жұрттың жартысы әкімді қарапайым деп мақтаса, өзгелері "арзан PR" деп айыптады.
- Аким Шымкента
- Шымкент әкімі
- Габидулла Абдрахимов
- Ғабидолла Әбдірахымов
- Корреспондент
- қызық ақпарат
