Қазақстандық журналист жан сақтау бөлімінде жатқан Есентаеваны "қарабет" болды деп айыптады

"Құдай төбеңнен ұрып жүрмесін..." Баяғыда үлкендер бір нәрседе шектен шығып артық кетіп жатсақ, осылай ескертіп, тоқтататын еді. Аллаһтң дінін, бұйрығын мазаққа айналдырып, қазақ қыздарын шешіндіріп, орамалмен күресумен айналысқан Баянға да осыны айттық талай. Міне, айдың-күннің аманында қарабет болып қалды. Иә, Құдайдың қаһарына ілініп қалмайықшы", деп жазды журналист. Айта кетейік, көктем мезгілінде танымал продюсер орамал тағып, оранып жүретіндерге қатысты пікірін білдіріп, журналистке жақпай қалған еді.

"Орамал тағып, жабық киім киетін, өзін таза әйелмін деп санайтын қыз-келіншектер! Орамалды өз саулығыңыз бен игіліктеріңіз үшін тағыңыздар! Менің әжем Тама руынан, менің арғы әжелерім ат үстінде шабатын, шаштарын жаятын және олар орамал емес, темірден жасалған дулыға киетін! Мен бәрін айттым!!!" - деп өз ойын жария еткен болатын продюсер Есентаева.

Ардабек Солдатбайдың жан сақтау бөлімінде жатқан Баян Мақсатқызының бүгінгі халіне қатысты жазбасы желі қолданушылардың пікірін екіге айырды. Бірі қолдаса, екіншісі журналистің бұл әрекетін түсіне алмай, сөге бастаған. Бауыржан Карипов есімді қолданушының "Қандай адамсың? ұят емес пе?" деген пікіріне журналист "Сенен ақыл сұрасам пұшық болып қалайын десем ше)) Неткен тақуа едің ә, оразада ғана иманың есіңе түсетін. Елдің бәріне сен деп дікеңдейтін болыпсың, көзіңді шел басайын деген бе?" деп жауап қатты.

Жазба авторының тағы бір желі қолданушының " Бұл не деген сұмдық Оразада?" деген пікіріне "Әйеліне ие болып жүретін жігіттер сөйлеп жатыр деп түсінсейші..." деп жауап жазғаны сол еді, пікір қалдырған қолданушы "Баян ғой сөйлеп жатқан. Біреудің әйелін біреудің күйеуі түземейді ғой. Қазақта "Ит үреді, керуен көшеді" деген бар. Баян бүй депті, Баян сүй депті деп не керек дегенім...." деп ойын жеткізді.