ОҚО әкімінің орынбасары Тұяқбаев өз командасын жинап жатыр

АҚШ-та білім алып жүрген оңтүстікқазақстандық азаматқа  Америка Мемлекеттік Басқарушылар Қоғамының 70 жылдық мерейтойына орай әлемдік конференцияда  баяндама жасап, демеуші табуына Тұяқбаевтың өзі көмек беріпті. Бұл туралы болашақтық түлек, бүгінде мемлекет қызметке орналасу үшін бағын сынап жүрген Дархан Жиенбай әлеуметтік желідегі парақшасы арқылы ой бөлісті.

«Сапарбек Тұяқбаевты жеке танимын. Супер идеальный адам демеймін. Іскер, объективті ойлайтын, заманауи теxнология мен ғылымның қажеттігін жақсы түсінетін, өз жұмысын жақсы білетін, өзіне сенімді, арманы мен амбициясын іске асырушы маман деп айта аламын. 
Болашақпен АҚШ-та оқып жүріп былтыр жазғы демалыста туған өлкем Оңтүстіктің экономикасын көтеруді ойлап жүріп, сұрақтармен С.Тұяқбаевқа xабарластым. Өте жақсы қарсы алып, қала жанындағы Индустриалды аймақтарға алып барып, жасалып жатқан жұмыстармен таныстырды» деп жазды болашақтық түлек. Сондай-ақ жазба авторы аймаққа жасаған сапары кезінде ОҚО әкімінің орынбасары  АҚШ-тың теxнологиясын алып келуді сұрағанын да жайып салды.
«Магистрлік диссертациямды ОҚО-да кәсіпкерлікті дамыту тақырыбында жаздым. Диссертациялық жұмысымды Америка Мемлекеттік Басқарушылар Қоғамының 70 жылдық мерейтойына орай әлемдік конференцияға Вашингтон штаты, Сиатл қаласында баяндама жасауыма, демеуші табуыма Сапарбек көмек берді. 
Конференция сәтті өтіп, АҚШ профессорлары өте жақсы деген баға берді. Қазір ОҚО ауыл шаруашылық басқармасында тағылымдамадан өтіп жүрмін. "Болашақты" бітіріп келгендерді Астанаға ұмтылмай, регионға келуге шақырамын. Өйткені, ауылдың жағдайын өз көзімен көріп, ауыл адамдарының мұңын өз құлақтарымен естімей, шет елден көшіріліп жасалған реформалар жұмыс істемейтінін көзіммен көріп жүрмін. Дәл қазір Оңтүстікке Сапарбек сияқты іскер азаматтар өте қажет» деп ойын білдірген Дархан Жиенбай алдағы жоспарымен де бөлісуді ұмыт қалдырмады.
«С. Тұяқбаев мені шақырса, енді мен әлемдік теxнологияны трансформациялауды білетін 10 жігіт шақырам. Солайша, Құдай қаласа, Оңтіүстік өңірі оңынан оңала береді» деп ойын түйді автор.