ОҚО әкімі 100 жасқа келген әртіске құрмет көрсетті
Бүгін Оңтүстік Қазақстан облысының әкімі Бейбіт Атамқұлов «Қазақ ССР-ның Еңбек сіңірген әртісі», Қазақстанның Халық әртісі, Оңтүстік Қазақстан облысының «Құрметті азаматы» Айша Абдуллинаны қабылдады, деп хабарлайды облыс әкімдігінің баспасөз қызметі.
Кездесуде аймақ басшысы өнер майталманын 8 наурыз – Халықаралық әйелдер мерекесімен және 100 жасқа толған мерейтойымен құттықтап, мәдениет саласында атқарылған жұмыстар жайы мен театр саңлағының мерейтойлық шығармашылық кешін ұйымдастыру туралы әңгімеледі.
Айша Абдуллақызы соңғы жылдарда облыста түрлі мәдени нысандарының көптеп бой көтергенін, өнер саласына жылдан-жылға жіті көңіл бөлініп келе жатқанына ризашылығын білдірді.
Айта кетейік, Ж.Шанин атындағы қазақ драма театрының сахнасына 64 жыл ғұмырын арнап, 200-ден аса кейіпкерді сомдаған өнер иесі биыл 100 жасқа толып отыр. Айта кетейік, 2016 жылдың 21 мамыр - мәдениет және өнер қызметкерлерінің күні мерекесі қарсаңында Ж.Шанин атындағы облыстық академиялық қазақ драма театрында Айша Абдуллинаның мерейтойлық шығармашылық кеші республикалық деңгейде аталып өтілмек.
- Бейбіт Атамқұлов
- Бейбут Атамкулов
- ЮКО
- ОҚО
- театр
- Айша Абдуллина
- Корреспондент
- қызық ақпарат
