Шымкентте 20 жас шамасындағы ақыл есі дамымаған тұрғынның жақындары іздестіріліп жатыр. Бес айдан бері облыстық жүйке аурулары диспансерінің дәрігерлері науқастың аты-жөнін анықтай алмай отыр. Ол қазір Шымкент қаласындағы арнайы емдеу мекемесіне жабылған. Бұл туралы Отырар арнасы хабарлады. 

Атышулы кәсіпкер Тоқтар Төлешовтің қызметкерлері басшыларының былығын жайып салды. Белгілі шымкенттік кәсіпкердің бостандыққа шықпайтынына көзі жеткен болуы керек, онымен бірге жұмыс істеген сыра зауытының басшылары құрылтайшысының масқарасын шығарып жатыр, деп хабарлайды КТК арнасы. 

Оңтүстік Қазақстан облыстық сотында татуласу рәсімдері институтын дамыту бойынша өзара ынтымақтастық туралы меморандумға қол қойылды. Іс-шараға өңір басшысы Бейбіт Атамқұлов, облыстық соттың төрағасы Нұрсерік Шәріпов, облыстық соттың алқа төрағалары мен судьялар қатысты, деп хабарлады ОҚО әкімдігінің баспасөз қызметі. 

"Боевик" автобус кондукторларының қатары  тыйылар емес. Екібастұзда осындай бір оқиға орын алды. Автобус кондукторы жолаушының қолын сындырғаны үшін жауапқа тартылып жатыр.