Қазақ блогері әрі журналист Берік Сұлтан әлеуметтік желі көп уақытты жоғалтуға әкеп соғатындықтан оны жауып тастаса, біраз оң дүниелердің орын алатынына сенімді. Бұл туралы ойын блогер әлеуметтік желідегі парақшасында жазды. Тіпті Үкімет желіні жауып тастаса, орын алатын әрекеттерді жіпше тізіп шыққан. Оның ойынша әлеуметтік желі жабылса, достармен жиі жүздесіп, жойылып бара жатқан қарым-қатынас қалпына келеді. Сонымен қатар блогплатформалар дамып, блогерлер блог жүргізе бастайды. Бастысы фейсбукқа пост жазып, блогермін деп жүргендер өздерінің әлеуметтікжелі қолданушы екенін түсінеді.  

Статистикалық мәліметтерге сүйенсек, интернетті пайдалануға 3,2 млрд доллар жұмсалып отыр. Қолданушылар саны 13 млрд адамға жетті. 

«Қазаншының өз еркі» болған мамыражай заман біздікі... Бір ақсақал: «Бұрындары көшеде телефонға телміргендерді көрсем, одан да кітап оқымайды ма деуші ем, осы күні кітапқа үңілген бірен-сараң жастарды көрсем, телефоны жоқ па деп алаңдайтын болдым»,- деп әзілдейтін көрінеді. Әлеуметтік желіге аста-төк пайдасы үшін «алғыс хатыңыз» дайын-ақ, ал көл-көсір уақытыңызды ұрлағаны үшін айыптағыңыз келмей ме?