ОҚО-ның бір ауданынан 40 азамат солтүстікке кетті
Сарыағаш ауданында «Серпін» бағдарламасын насихаттап, түсіндіру жұмыстары жүргізілді. ОҚО мәслихатының хатшысы Қ.Айтөреев және мәслихат депутаттары қатысқан жиында ішкі көші-қонды реттеу арқылы өңір тұрғындарын Солтүстікке қоныстандыру туралы бастама айтылды.
Шара барысында Сарыағаш ауданы әкімі Б.Парманов ауыл жастарын солтүстік өңірлерге барып, ауыл шаруашылығындағы озық технологиялармен жұмыс жасап, тың жерлерді игеруге шақырды.
Аталған жиынға қатысқан аудан тұрғындары бағдарламаға үлкен қызығушылық танытып, сауалдарына тиісті жауаптарын алды.
Ұсынысты жүзеге асыру мақсатында Солтүстік өңірлерінің тыныс-тіршілігімен танысып қайту үшін жұмысшы топ құрылып, жергілікті 40 азамат Сарыарқа төсіне аттанды деп хабарлады Оңтүстік Қазақстан облысы әкімдігінің баспасөз қызметі.
Солтүстікке көшуге ниеттенгендердің алдымен ол өңірдің табиғатымен танысып, кейін жұмыс таңдауына мүмкіндігі бар.
- Оңтүстіктен солтүскке
- с юга на север
- ОҚО
- ЮКО
- Сарыағаш ауданы
- Қамытбек Айтөреев
- Бұқарбай Парманов
- Корреспондент
- қызық ақпарат
