ОҚО әкімі лезгинка биін билеп, жұртшылықты Алғыс айту күнімен құттықтады (фото+видео)

 

 

Түркістан салтанат сарайында жалғасқан мерекелік шарада Бейбіт Атамқұлов Алғыс айту күнінің шығу тарихына қысқаша тоқталып өтті.

«1 наурыз күнінің таңдалып  алынуы жайдан жай емес. Бұдан 21 жыл бұрын осы күні Қазақстан халқы Ассамблеясы құрылды. Мемлекет басшысы өз сөзінде көпұлтты ел болуымыз - біздің байлығымыз, мақтанышмыз деген болатын. Өздеріңізге белгілі Сталиндік қуған-сүргін кезінде көптеген этностардың  өкілдері Қазақстанға күштеп көшірілді. Тұтастай алғанда ХХ ғасырдың басынан бастап 6 млн-ға жуық адамның елімізге қоныс аударғаны тарихымыздан мәлім. Осы жылдарда күштеп көшірілген этностар үшін Қазақстан екінші Отанына айналды»,-деді аймақ басшысы. Сонымен қатар облыс әкімі Алғыс айту күнінің мән-мағынасына тоқталды.

«Алғыс айту күні - бұл ең алдымен Елбасынның бейбітшілік пен келісім саясатының салтанат құрған күні. Алғыс ату - бұл тағдыр тәлкегімен Қазақстан жеріне еріксіз қоныс аударған түрлі этнос өкілдерінің Қазақстанға терең тағзым белгісі. Алғыс айту күні – бұл Тәуелсіз Қазақстанды құру жолында еңбек еткен еліміздің барлық азаматтарының бір-біріне құрмет білдіретін күні. Алғыс айту - күні бұл тағдыр тоғыстырған Қазақстанның көп этнос халқының ортақ тарихи құрметтеу күні... Осы сәтті пайдалана отырып кезінде еліміздің Тәуелсіздік алуына, жас  мемлекетіміздің өркендеуіне ерекше  үлес қосқан барлық бауырларымызға үлкен алғыс айтқым келеді»,-деп сөзін қорытындылады Б.Атамқұлов.

Мерекелік шара концерттік бағдарламаға жалғасты.

Айта кетейік, Қазақстан Республикасының Президенті Н.Назарбаев Қазақстан халқы Ассамблеясының құрылған күні 1 наурызды республика көлемінде Алғыс айту күні деп жариялау туралы Жарлыққа қол қойған болатын. Бұл дата биыл алғаш рет тойлануда.