Қазақстандық журналист қазақ тілінің тынысы тарылуына Д.Назарбаеваны кінәлады
Танымал журналист Қуандық Шамахайұлы қазақ тілінің болашағына алаңдаулы. Журналист бұл туралы пікірін "Твиттер" арқылы «фэйсбук» әлеуметтік желісіндегі парақшасында жазды. Тіпті қазақ тілінің тынысы тарылып жүр деген ол оның себебін де болжаған.
«Ақын Олжас Омарович Сүлейменовтей, публицист Гадильбек Минажевич Шалахметовтей зиялылар аман-сау тұрғанда бізде орыс тілінің мерейі үстем бола береді. Есесіне қазақ тілінің тынысы тарыла береді» деген журналист «Осы ағаларымыз орыс мүддесі үшін аянбай тер төгіп келеді» деп ойын түйіндеген.
Автор жазбасының бұл ойы өзгелердің де пікірімен тұспас-тұс келгендей. Оған «Тау тұлға ағамыз Олжастың орыс тілінің жоқшысы болып жүргені өкінішті», «Мұндай масқаралықты қай елден көрдіңіздер?!», «Өкіншіке қарай бұл ащы шындық» деп қалдырылған пікірлер дәлел бола алады.
Қазақстандық тағы бір журналист Жарылқап Қалыбайдың ойы бойынша орыс тілінің мерейі үстем болуына тек О.Сүлейменов пен Ғ.Шалахметов кінәлі емес. Себебі ол пост астына «Оған Д.Назарбаева, К.Масимов, Исекешов, Сыртқы істер министрі және т.т. қосыңыз» деп жазған.
Мемлекеттік тілдің ертеңіне қатты алаңдаушылық танытқан тағы бір желі қолданушысы «Қайтсек Ана тіліміздің мәртебесін көтереміз ағалар?» деген пікірмен көпшіліктен кеңес сұраған.
Жазба астына Олжас Сүлейменов пен Ғаділбек Шалахметовті жақтағандар да бар.
(Фото: Қ.Шамахайұлының "фэйсбуктағы" парақшасынан скриншот алынды)
- Қуандық Шамахайұлы
- Куандык Шамахайулы
- Олжас Сүлейменов
- қызық ақпарат
Пікірлер
