Шымкенттік полицейлер қыстық киімдерін шешті
Оңтүстік Қазақстан облысының құқық қорғау қызметкерлері жаздық үлгідегі нысанды киіміне ауысынуы орай Шымкенттегі орталық алаңға жиналды. Осы мақсатпен саптық байқау өткізілді. Бұл туралы Оңтүстік Қазақстан облыстық Ішкі істер департаментінің баспасөз қызметі хабарлады.
Шараның басты мақсаты – полиция қызметкерінің сыртқы келбетін қадағалап, керек-жарақпен жабдықталғандығына көз жеткізу, сондай-ақ, жас қызметкерлердің патриоттық сезімін ояту, жауапкершіліктері, тәртібі мен адалдығын тексеру болып табылады.
Облыстық ІІД Жергілікті полиция қызметінің басшысы, полиция полковнигі Б.Аблаев қатысқан байқауда ОҚО Жергілікті полиция қызметінің Жол-патрульдік полиция қызметкерлері сап құрды. Командирлер қызметкерлердің сыртқы келбетін, нысанды киімін, қызметтік куәліктерінің сәйкестігін, саптық дағдылары мен жалпы бөлімнің реттелгендігін тексерді.
«Полиция қызметкерлері жинақы, ұқыпты және байсалды болулары керек. Халық тәртіп сақшыларының жұмысын ең бірінші сыртқы келбетіне, киіміне қарап бағалайды. Сол себепті таза, тап-тұйнақтай жүрудің маңыздылығы зор екенін естен шығармаған жөн», – деді салтанатты шарада сөз алған ОҚО Жергілікті полиция қызметінің басшысы. Мерекелік шара әскери оркестр үнімен сүймелденген салтанатты маршпен аяқталды.
Естеріңізге сала кетейік, саптық байқау жылына екі рет (көктемде жазғы және күзде қысқы киім үлгісіне көшкен кезде) өткізіліп келеді.
- шымкент
- МПС
- полииция
- ЮКО
- ДВД
- қызық ақпарат
