Қырымбек АП-ға тағы да бара алмай қалды
Қызылорда облысының қазіргі әкіміне үлкен бір қызмет бұйырмай-ақ қойды. Айналып келіп әкімдікке жегіп қояды. Әкім болғанда да Астана мен Алматыдай алыптың әкімі етсе мейлі ғой, айналдырып батысқа апарады, шөлге айнала бастаған Қызылордаға тастап кетеді.
Әйтеуір, үлкен жақтың астауына жеткізер емес. Мейлі, облыс әкімдігі де жаман емес қой. Оның үстіне Қырымбегіңіз қартайып қалды. Онша-мұнша айла-шарғыны қажет ететін қызметке жастарды жайғастырып қойған. Енді Қырымбек «әканы» бір апарса, Гүлшараның орнына апаруы мүмкін. Мемлекеттік хатшы деген аты бар, заты жоқ, «кәйіп» қызмет шау тартқан кісіге таптырмайтын орын ғой. Бірақ кім етерін кім біледі. Дегенмен, АП-ның басшылығы мен Премьердің қалың креслосы Көшербаевтың түсіне ендігі кірмей де қалған шығар...
- Қызылорда облысы
- Қырымбек Көшербаев
