Шұрайлы жер, ата қоныс іздеген Асан қайғы Сауранды да айналып өтпеген. Қазақтың кең-байтақ даласын кезіп келіп қала тұсына тоқтағанда: «Әттеген-ай, қорғанды ай тақырдың бетіне, шөлстанның өтіне салған екен. Сарқырап аққан суы жоқ, жайқалып тұрған нуы жоқ – түбі тұрақты қала бола алмас», - деп толғанған екен ғой. Сол Сауран бүгінде жайқалып тұрған атамекенге айналмаса да, көне қалашықтың орны. Келешекте аспан асты мұражайына айналатыны айтылып келе жатқалы да жылдар жылжыды. Бұл кешегі «қолдағы бардың қадірі жоқтың» кері ме? Жоқ әлде Асан абыздың «әттеген-айын» қайталауға деген аяқ алыс па?

«Түркістанда түмен баб, Сайрамда бар сансыз баб, Отырарда отыз баб барын» айтқан қазақ бабтардың бабын неге Арыстанбаб деді? Сондай-ақ, оның Мұхаммед пайғамбардың сахабасы, Құл Қожа Ахмет Ясауидің ұстазы екенін бес саусақтай білеміз. Әйткенмен, өз заманында Ислам дінін таратушы болған Арыстанбаб кесенесінің бүгінгі күйі қалай? Көп естігеннен бір рет көзбен көрген жөн деп Отырарға сапарлатып қайттық. Өкінішке қарай, көне кесене көзімізге оттай басылғанымен, көңілді күпті етер тұстары да көп болып шықты.

«Көш жүре түзеледі». Ал қазақ киносының көші ше? Еліміздегі киноиндустрияны кенже қалған салаға жатқызудан алдымызға жан салмай келеміз. Сонда әртістер мен режиссерлердің төккен маңдай тері мен ерен еңбегінің еш болғаны ма? Соңғы жылдардағы қазақ фильмдері қай жанрдың үдесінен шығып жүр? Сериалдардың сиқы қашанғы көрерменнің қытығына тимек? Бір сөзбен айтқанда қазақ киносы қашан түзеледі?

Мына тұрған жер болса да, Сарыағашқа күнде жолымыз түсе бермейді. Алыстан ат басын бұратындардың алды шипажайға тартып отыратыны айдан анық. Әйткенмен, халқының саны бойынша алдыңғы қатарлы ауданмен кеңірек танысқысы келетіндер де көп шығар. Ал оған таптырмайтын бірден-бір орын мұражай емес пе?! Мұнда он жыл бұрын облыстық өлкетану мұражайын ашу қолға алынғанынан біраз жұрт хабардар. Небәрі 100 теңге төлеп кірген қуықтай қос бөлмеден біз не көрдік?

«Байдың асын байғұс қызғаныпты» дегендей, шоу-бизнес өкілдерінің тапқан-таянғанына тұмсығымызды сұға бергіміз келмейді. Бірақ сұраныс бар жерде ғана ұсыныс болатынын ескерсек, онда көз жүгіртіп шығуға әбден құқығымыз бар. Көз жүгіртіп қана қоймай, олардың «ставкасын» айтуға да. Ең бастысы, халықтың адамы деген осынау өнерпаздар халыққа қаншалықты қолжетімді?

Иісі мұсылманды жиятын Қағба Меккеде ғана болса, қазақ жеріндегі қағба қайдан пайда болды? Ысқақ бабтың інісі Әбдіжәлил баб қалай Хорасан ата атанды? Осындай сауалдардың жауабын біз де іздеп көруді жөн санадық. Бүгінде Хорасан әулиенің мазарын білетіндер де, онда ат басын бұратындар да аз емес. Әйткенмен Қызылордаға әулиеден бұрын қағбаның көшірмесін көзімен көруге баратындардың көптігі осыған дейін де талай мақалаға арқау болған-ды. Сонымен елдер Хорасан атаға зиярат ету үшін барып қағбаны көре ме, қағбаны көрмекке барып зияратын да жасай сала ма?

• Мақпал ТӨРЕБЕК
• 18.07.2016 10:00

Алтынай Жорабаева әлеуметтік желіде өзін сөгіп, тіпті ренішін білдірген тыңдарманына ақталып әлек болды. Қымбат есімді желі қолданушысы әнші Алтынайды суретке түспей қойғаны үшін өзімшіл деп атаған. 

"Сабина келін" фильмі Swedish International Film Festival 2016 халықаралық фестивалінде жүлделі болды, - деп хабарлайды Tengrinews.kz.

Желі қолданушысы әнші Мөлдір Әуелбекованың ашуын туғызды. Ол өнер иесінің күйеуін "таз бас"деп атап, әншіге неге ондай жігітке тұрмысқа шықты деп сұрақ қойған.