Жұмысқа мысығымен келеді
Шымкенттегі жекеменшік мекемелердің бірінің басшысы үйіндегі мысығын жұмысқа жиі алып келеді екен. Тіпті қызметкерлерімен жасаған жиналыста әлгі үй жануары ары-бері көлбеңдеп, жұмысшылардың жүйкесіне тиген. Алайда, қызметкерлер басшысының бұл әрекетіне «ләм-мим» дей алмайды.
Қайтсін енді, «Басеке, мұныңыз не» деп, «шікәмшіл», «сезімтал» басшының қаһарына ілініп, жеп отырған нанынан айырылып қаламыз ба деп қорқатын шығар. Бір қызығы, жұмысшылардың бірі басшыға жағудың амалын жасаса керек, әлгі мысықты өзінің баласындай еркелетіп отыратынды шығарыпты. Біз кейбір басшылардың жұмыс орнына балаларын алып келіп, қол астындағыларға қаратып қояды екен деп естуші едік, мысығын ертіп келеді дегенді естіп, таң қалғанымыз рас.
© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Теги
- мысық
- жұмыс
- қызық ақпарат
Пікір үстеу
