«Бәрі жақсы болады» деп ән салып, талай хит туындылардың орындаушысы атанған Бүркіт көпшілікті таң қалдырды. Ол анау-мынау емес, жиырма алты жыл бұрынғы ескі көліктерге қызыға бастапты. Тіпті құжатсыз автомобильді сатып алуға дайын. Бұл туралы хабарландыруды өнер жұлдызы өзінің инстаграм желісіндегі парақшасында  жария етті.

Жасы 75-ке жақындаған қазақстандық ақын Исраил Сапарбай дүниеден озғанша ғашық болып өтемін дейді. Тіпті  әлі күнге дейін әдемі қыздарды көрсе, жүрегі лүп ете қалатынын да жасырмады. Бұл жөнінде өнер иесі Оңтүстік Қазақстан облысындағы арналардың біріне берген сұхбатында айтты.

Оңтүстік Қазақстан облысындағы мәдениет пен өнер мекемелері жыл басынан бері тапқан табыстарын қорытындылады. Бұл туралы облыстық мәдениет басқармасы басшысының орынбасары А.Темірхан аймақтық коммуникациялар қызметінде мәлім етті.

Екі жылда бір рет берілетін Мемлекеттік сыйлықтың болар-болмас сыбысы шыққаннан-ақ руханият әлемі елеңдеп, құлағын қайшылап, қопаңдай бастайды. Екі жылда бір рет өзіміз күткен саладан ең құрығанда екі иегер иеленіп риза болғанымызбен, көңілі толмай күңкілдегендер мен атты адамды аударып түсірердей ашуланғандардың тұтас әскері түзіледі. Мемсыйлықты белгілеген комиссияны тап қазір шауып алардай шабынып, шаптығып жүреді олар. Жарайды, сыйлық пен сөлкебайлар үлестірілетін науқанның келер күні де алыс емес, өкпелей-өкпелей өкпесі тесілуге айналып, жанкештілер жауыр еткен әдебиеттің айналасындағы аламанды былай ысырып, бір қолдың саласындай бірігіп кеткен театр мен киноны сөз етейікші.