Шымкентте Shymkent bike жобасының алғашқы станциясы 9 шілдеде ашылады
tvk-uko.kz
Шымкент қаласының әкімі Ғ. Әбдірахымов əкімдік қызметкерлерімен бірге қала көшелерінде веложол жүйесін енгізу жұмыстарын тексеру үшін қорытынды тур жасады, деп хабарлайды Bnews.kz.
Айта кетерлігі, алғашқы велостанцияның ашылу салтанаты 9 шілде, әл-Фараби алаңында өтпек. Онда азаматтар велосипед пайдалану үшін арнайы карта сатып ала алады.
Олардың бір жылдық төлемақысы 11,500 теңге. Соның 10000 теңгесі жол жүру құны, 1000 теңге (тек алғашқы кезге) тікелей картаның өзіне, ал 500 теңге пайдаланушының теңгерімі болып есептеледі. Төлем картасын сатып алған жағдайда арнайы PIN-код беріледі, деп мәлім етті Шымкент қаласы әкімінің баспасөз қызметі.
Айта кетерлік жайт, аталмыш жоба Шымкентте Астанадан кейін екінші болып енгізілуде. Егер Астана тұрғындары велосипедті 6 ай ғана қолдануға мүмкіндіктері бар болса, Шымкентте жыл бойы велосипедке отыруға болады. Сондықтан да бағасы қымбатырақ келеді.
Әрбір велосипедке борттық компьютер, себет сөмкелер мен заттар орнатылған.
© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Теги
- шымкент
- Шымкент қаласының әкімі
- Shymkent bike
Пікір үстеу
