Көпшілікке белгісіз азамат өзін Маржан Тұрлыбаеваның әкесімін деп таныстырды
Көпшілікке белгісіз азамат өзін өмір бойына жындыханаға жабылып, күні бүгін сот шешімімен бостандыққа шығатын болған Маржан Тұрлыбаеваның әкесімін деп есептейді. Нақтырағы, Ермек Мадуарбекұлы есімді азамат өзін бойжеткеннің әкесімін деп таныстырған және құзырлы мекемеге арызданып, сараптама тағайындауды сұранған. Бұл туралы өмірінің сегіз жыл уақытын жындыханада өткізген Маржанның проблемасын алғаш көтерген журналист Гүлжан Байназарова айтты. Тұрлыбаеваның әкесімін деп таныстырған азамат ДНК сараптамасының нәтижесін күтіп отыр. Оң нәтижесі шығарына сенімді. Тіпті ол әкелік міндетін орындауға әзір екенін де жеткізді.
Естеріңізге сала кетейік, былтыр Түркістандағы психо-неврологиялық мекемесіне өмір бойына тоғытылған ару Маржан халықтан араша сұраған болатын. Ол өзін тәуелсіз сарапшылардың тексерісінен өткізуді талап еткен. Бұл мәселе елді елеңдеткізбей қоймады. Шымкенттік мамандардың дені сау емес деп тағайындаған сараптамасын алматылықтар жоққа шығарды. Алайда осыдан браз уақыт бұрын оған тағы да шымкенттік мамандар сараптама жасайтыны белгілі болды. Соңғы сараптама қорытындысы бойынша бойжеткен Маржанның ақыл-есі дұрыс, өз әрекетіне жауап беретіндей жағдайда екені анықталып, сот оны жындыханадан босату туралы шешім шығарды. Сот үкімі әлі заңды күшіне енген жоқ.
- Маржан Тұрлыбаева
- Корреспондент
- қызық ақпарат
Пікірлер
