Түрмеде отырған жас жігіт ауыр соққыдан көз жұмды
Павлодардағы колонияда жазасын өтеп жатқан 1988 жылы туған азаматтың қайтыс болды, деп хабарлайды Bnews.kz.
Облыстық ішкі істер департаменті баспасөз қызметінің хабарлауынша, 27 жастағы жазасын өтеуші ауыр соққылардан қайтыс болған.
«Тәртіп сақшылары сотқа дейінгі тергеу амалдарын бастады. Әзірге күдікті ретінде 36 жастағы азамат ұсталды. Ол да бұл абақтыда жазасын өтеп жатқан. Белгілі болғандай, олар сөзге келіп, төбелескен. Қазіргі таңда қылмыстық іс бойынша тиісті сараптамалар тағайындалды», - деп хабарлады ведомствоның баспасөз қызметі.
Сотталған жігіт АП-162/2 колониясының медициналық бөлімінде жан тапсырған. Сот-медициналық сараптаманың қорытындысы бойынша өлімге ми-бас сүйегінің жарақаты себеп болған.
- оқыс оқиға
- түрме
- сотталған жігіт
- корреспонднт
- қызық ақпарат