Өткен аптада Оңтүстік жұрты қара өлеңге қарық болды. Қос «шаршы алаңда» қырық шақты ақын шама-шарқынша көсіліп бақты. Сүбелі сөз сапталды, киелі қара домбыраның күмбірімен көптің көкейіндегі шемен-шер тарқады. Бір сөзбен айтқанда, Алматы мен Шымкентте аламан айтыс өтті. Бір ақынның екі айтысқа қатыспағаны, бірінде «Алтын домбыраның» жоқтығы болмаса, екеуіне де қыруар қаржы бөлінді, екеуінде де әділдік сұраған халықтың айғайы анық естілді.

Бүгінде жалған құжат жасау арқылы мемлекетке шығын келтіріп, өздерінің есеін түгелдеп жүргендер аз емес. Заңға томпақ келетін әрекетке барғандар таяуда тағы анықталды. Бұл жолы қазына қаржысына қол сұққандар анау-мынау емес, бала тәрбиесімен айналысып отырған мектепке дейінгі мекеме қызметкерлері болды.

Таяуда әлеуметтік желілердің бірінде Шымкентте ағаш егу үшін ата-аналардан ақша сұратқан шақыру хаттың көшірмесі көпшілікке тарады. Бұл желі қолданушылар арасында қызу пікірталастың тууына түрткі болды.

Түнеугүні ОҚО әкімі Жансейіт Түймебаев әкімдік мәжілісінде бірқатар облыстық басқарламалардың жұмысына көңілі толмай, қынжылып еді ғой. Арасында Мәдениет басқармасының басшысы Нұрболат Ахметжанов та бар. Аталмыш саладағы біраз кемшіліктерді тілге тиек еткен өңір басшысы бұл бағыттағы шаруаларды кішкене жүрекпен жасау керектігін ескерткен-ді.