Газетіміздің 29 қаңтардағы №05 санында «Ауыз су одиссеясы немесе Иқаннан су шығара алмағандардың әлегі» атты мақала жариялаған едік. Онда Түркістан іргесіндегі Ескі Иқан ауылындағы ауызсуға қатысты ахуал айтылған болатын. 

Иә, басқасын былай қойғанда жарықты ауадай қажет ететін кітапханада «свет жоқ» дегенге сенгің келмейді. Бірақ бір кем дүние емес пе, озық отыз елдің қатарынан көрінуге үмітті біздің елде жылуы мен жарығы жоқ, жертөледен де жаман жерге орналасып, елге қызмет жасап отырған мекемелер бар.

Оңтүстік Қазақстан облысында (Glycrrhiza glara) жылтыр қызыл мия деген өсімдік бар. Елімізде тіпті дүниежүзінде өте сирек кездесетін өсімдік. Сол мияға бүгіндері тосыннан «жау» тиді. Заңсыз топ өкілдері қазіргі таңда Түркістан қаласы әкімдігіне қарасты Үшқайық, Сауран елдімекендерінде өңірлік Сырдария Түркістан қорығының жерлерінде ұрын қазып кету жағдайлары орын алып отыр. 

Төлеби ауданы, Леңгір қаласы, 1-шағынаудан тұрғындары соттан шақырту алған. Олар мардымсыз жүргізілген жөндеу жұмыстарына көңілі толмағандықтан, ай-сайын ақысын бөліп төлеуден бас тартқан. Зағиптар тұратын әрқайсысы қырық пәтерлік үш үйге былтыр жаңғырту бағдарламасымен миллиондаған қаржыға жөндеу жұмыстары жүргізілген екен. Құрылыстың сапасыз болғаны өз алдына, тұрғындар оны жасауға тіпті келісімін де бермеген.

Бұл мәселе бүгінде көмір жағып, күл шығарып отырған көптеген тұрғындардың көкейінде жүр. Біздің редакцияға қоңырау шалушылар мен хат жазушылардың арасында да осы мәселеге байланысты түрлі сұрақ қойып жатады. Әсіресе, көгілдір отынды үйге кіргізу құнының әр ауданда әрқилы екендігіне байланысты айтылатын шағым көп. Біз оқырман сұрақтарын негізге ала отырып, «ҚазТрансГаз Аймақ» АҚ ОҚО өндірістік филиалы басшыларына хат жолдадық. Хатқа жауап жазған директордың бірінші орынбасары С. Исмайлов мырза біздің сұрақтарды дұрыс түсінбеген бе, әлде біздің сауалдар шын мәнінде ауырлау болды ма, әйтеуір айналдырған алты сұрақтың барлығы дерлік өз «шеңберінен» ауытқып кетіп отырған. Сенбесеңіз, біздің қойған сұрақтар мен олардың берген жауаптарын салыстырып көруіңізге болады. Дегенмен оның өзі газ кіргізу үшін қайда бару керек, не істеу керек деп жүргендердің бір кәдесіне жарап қалатын шығар деген оймен барынша ықшамдап назарларыңызға ұсынып отырмыз.

Әмбебап полицейлердің жұмысына байланысты қоғамда қызу пікірталастар жүріп жатқаны жасырын емес. Бірі көшедегі көлік кептелісінің кемігенін айтса, енді бірі «ала таяқты» ағайындардың асыра сілтеп жүргеніне қынжылыс білдіруде. Қалт етсе құдды аспаннан түскендей болып қасыңнан табыла кететін «әмбебаптықтардың» бұл әрекеті, бәлкім, тәртіпті ретке келтіру үшін керек те шығар, бірақ олар шын мәнінде өздерінің қалта қамын жасап кетпесе деңіз.