Қазақ қызы – монғол чемпионы!
- Айдын СӘТЖАН
Ұланбатыр қаласында бокстан жастар арасында ел біріншілігі өтіп, онда қазақ қызы Нұржамила Батырбекқызы Моңғолия чемпионы атанды. 48 келі салмақта шаршы алаңға шыққан Нұржәмила барлық қарсыластарынан басым түсіп, алтын медальға қол жеткізген.
Бұл туралы сүйінші хабар таратқан «Бақ.кз» оның сол жарыстың «үздік спортшысы» атағын қоса иеленгенін де жеткізді. 18 жастағы Нұржәмила Баян-Өлгийдегі қазақ жастары арасынан шыққан талантты спортшылардың қатарында. Бұл оның бірінші жетістігі емес. Қарындасымыз 2013 жылы моңғол елінің жасөспірімдер арасында өткен бәсекесінде топ жарып, республика чемпионы болған еді. Моңғолия жасөспірімдер құрамасының қатарында шетелдерге де барып, жарысқа қатысқан.
Ал, осы ретте 15-20 ақпан аралығында өткен ел чемпионатында тағы бір қарындасымыз C.Гүлдәурен 51 келі салмақта сынға түсіп, қола жүлде еншілепті.
- Ұланбатыр
- Моңғолия
- Нұржамила Батырбекқызы
- чемпион
