CALL-орталық 2 мыңға жуық өтініш қабылдады
Оңтүстік Қазақстан облысындағы бірыңғай байланыс орталығы қарқынды жұмыс жасауда. Бүгінгі таңға дейін онда екі мыңға жуық тұрғыннан өтініш келіп түскен. Оларға жеке тоқталатын болсақ, 1941 қоңыраудың 678-і жылу мәселесіне қатысты болса, 196-сы көгілдір отын, 117-сі ауыз суға қатысты сауалдар.
163-і тек Шымкент қаласындағы тұрғын үй-коммуналдық шаруашылық саласына бағытталса, 373-і Шымкентке қарасты аудан әкімдіктеріне жолданған. Қалған 250-ге жуық өтініш өзге де салаларды қамтиды. Барлық өтініш қанағаттандырылған. Орталыққа көбіне Шымкент тұрғындары көптеп шағымданған. Осы ретте айта кетейік, өткен жылдың қараша айында жұмысын бастаған бірыңғай орталық тұрғын үй және коммуналдық мәселелер бойынша өтініштерді қабылдайды. Арыз-шағымды тек ОҚО тұрғындары ғана тастай алады. Байланыс орталығы таңғы сағат 09.00-ден кешкі 19.00-ге дейін қызмет көрсетеді. Ал жылуға қатысты өтініштер тәулік бойы қабылданады. Өтініштер тастау үшін 8 (7252) 39-55-55 телефон нөміріне хабарласу керек.
- CALLорталық
- ОҚО
