Қоғам қайраткері Бекболат Тілеухан Елбасы Н.Назарбаевты қазіргі заманның батыры қатарына қосады. Тіпті ол туралы айтқан видео «youtube» видеохостингінде пайда болды. Оны Д.Қарсақбайұлы деген аккаунтпен тіркелген қолданушы жүктеген.

Видеода байқағанымыздай, Бекболат Тілеухан кезекті бір кездесуінде Н.Назарбаевтың сабырлығына қатысты ерекше тоқталып өткен.

Белгілі журналист Марат Тоқашбаев Елбасы Н.Назарбаевтың орыс тілінде сауал жолдаған азаматтарға өзге тілде жауап берген мемлекеттік қызметкерлердің жұмыстан қуылатыны туралы мәлімдемесіне қатысты өз пікірімен бөлісті. Қаламы қарымды журналистің пайымы бойынша, оған орыс тілді қазақ ақыны Олжас Сүлейменовтің Қазақстанның Орыс, казак және славян ұйымдары Үйлестіру Кеңесінің ІІІ есеп беру-сайлау сьезінде «Орыс тіліне атүсті қарайтындар Қазақстан бірлігіне қарсы жұмыс істейтіндер» деп кесіп айтқаны себеп болыпты. Бұл туралы Марат Тоқашбаев «фэйсбук» әлеуметтік желісіндегі парақшасында жазған. Елбасыдан бірнеше рет Алғыс хат алған журналист желі арқылы жеткізген ойын «АЛЖАС АМАРОВИЧКЕ АЛҒЫС» деген тақырыппен бастаған.