6 жасар Мұхаммедтің табылуына көмектескен азаматша көшеге шыға алмай отыр
GK Game News - шаблон joomla Продвижение
Айдарлар
Menu
Сенбi, 27 ақпан 2016

 Кіру / Тіркелу

6 жасар Мұхаммедтің табылуына көмектескен азаматша көшеге шыға алмай отыр

Фото: otyrar.kz

Қазақстандық журналист Бибігүл Дәулетбекқызы Абай басылымына хабарласып, 20 ақпан күні мектептен шыққан бетте жоғалып кетіп сейсенбі күні табылған  оңтүстікқазақстандық бала туралы жазба ұсынған. Оның сөзіне қарағанда, баланы тауып алуға жәрдемдескен жан (әзірге аты-жөн атамауды өтінді) әлдекімдерден қорқып отырған көрінеді.

Назарларыңызға Б.Дәулетбекқызының жоғарыда атап өткен басылымға  жазбасын ұсынамыз:

«20 ақпан күні мектептен шыққан 6 жасар Мұхаммед Қамшыбекті (суретте) белгісіз бір әйел ұрлап кеткен болатын. Неше күннен бері ел сабылып, іздеді.  Ол балақай кеше менің Инстаграм желісіндегі бір оқырманым арқылы  табылды. Шымкенттегі балақайдың табылғанына ҚАЗАҚСТАН халқы қуануда. Ал, осы баланы тауып беруге себепші болған қыздың жағдайы қандай күйде екенін мен ғана білем. Қазір ол үйінен тысқа шыға алмай қорқып отыр.

Таңғы 4-ке дейін оның тағдырына алаңдап  көз ілмедім. Әрдайым телефонмен сөйлесіп, халын сұраудамын. Ел шулап жатқан оқиға былай болған:

Бір баласы бар келіншек, пәтеріне ОLХ арқылы адамдар тұрғызатынын жазады. Содан бірден телефонына ер кісі звондап, анасы мен баласын уақытша тұрғыза тұруын сұрайды. Аяғын сылтып келген апай: "Келініммен ұрысып қалдым. Мынау немерем", -деп таныстырады. Жұмыссыз отырған келіншек оларға онша мән бермейді.

- Пәтершілер:"3-ақ күнге қонып кетеміз", - дегенде, біртүрлі болып қалдым. Көрпе-жастығым жоқ екенін айтып едім. Олар ештеңе етпейді деді. "Ендеше құжаттарыңызды беріңіздер " дегенім сол еді, олар бірден кететінін айтты. Содан есіктен шығып бара жатқан еркек: "Бізді сен көрген жоқсың!" - деп ескертті. Өздерінің отбасылық кикілжіңі болар деп, бастапқыда онша мән бермедім.

Осы жайттарды телефон арқылы баяндаған куәгер менің инстаграмдағы жазбаларымды ғана оқиды екен. Телевизор көруге уақыты жоқ. Күндіз баласымен жүреді. Қолы қалт етсе, сабағына дайындалады. Мұхаммедтің жоғалғаны туралы постымды оқыған бойда ол маған бірден хабарласып:

- Бибігүл апай, мен бұл баланы көрдім. Оны ұрлаған хиджабтағы әйел емес, басқа. 50-55 жастағы әйел. Әйелдің  жанында 35-40 жас шамасындағы ер кісі болды, -деді.

Мен шұғыл түрде полиция бөліміне хабарласуын өтіндім. Бастапқыда қыз қорықса да, ІІБ-не хабарласты (менде аудиожазба да бар). Кеше түнде, сағат 1.30-да  Шымкент қаласындағы Ішкі істер басқармасының қызметкерлері ер кісінің фотороботын жасауға көмектесу үшін әлгі қызды үйінен алып кетті.   Мен ІІБ қызметкерлерімен сөйлесіп, бала ұрлығына қатысы бар адамдардың фотобейнелерін жасауға жәрдем етіп жатқан куәгердің өміріне қауіп төнбейтіндей жағдай жасауын сұрадым» деп жазған журналист қыздың бүгінгі жағдайына алаңдаушылық білдірген.

«Алайда, иә, алайда... байғұс қыз бүгін үйінен шыға алмай отыр. Дүкенге барып нан сатып алуға қорқуда. Себебі, баланы ұрлаған еркек бостандықта жүр. Достарыммен сөйлесіп, 102 бөліміне хабарласуын айттым. Ол Шымкенттегі тиісті орынға хабарласты. Бірақ, аталған бөлімдегілер ІІБ  келуін талап еткен. Ал, куәгер жоғарыда айтқанымдай, көшеге шығуға қорқып отыр.   

Менің түсінбейтінім, неге Шымкент қаласындағы ІІБ қызметкерлері куәгердің қауіпсіздігін қамтамасыз етпейді?   Марапаттамай-ақ қойсын. Онсызда кеше ғаламторға өздері тапқандай сүйіншілетіп, сұхбат берді. Бірақ, бұл қыз да адам баласы емес пе?! Сонда жоғалған баланы тауып беруге атсалысқан куәгерді пайдаланды да, әрі қарайғы өміріне жауап бермейміз дегендері ме бұл? Құқық қорғау қызметкерлері осылай істесе, ертең ел ішінде өзінен басқаның тағдырына селт етіп, сергек қарайтын жан қала ма?» деп ойын түйіндеген ол.

© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Наверх

Басқа бас мақалалар

6 жасар Мұхаммедтің табылуына көмектескен азаматша көшеге шыға алмай отыр

Қазақстандық журналист Бибігүл Дәулетбекқызы Абай басылымына хабарласып, 20 ақпан күні мектептен шыққан бетте жоғалып кетіп сейсенбі күні табылған  оңтүстікқазақстандық бала туралы жазба ұсынған. Оның...

Korrespondent.kz Оқиғалар

Мұхтархан Ділдәбековтің әйелі жұмыстан кетті

Оңтүстік Қазақстан облыстық білім басқармасының басшысы болып Қуандық Салыбекұлы Құлажанов тағайындалды.

Korrespondent.kz Саясат

Қазақстандықтар жақсы өмір іздеп о дүниеге аттануда

Ешқандай да таңсық оқыған жоқсыз. Дәл солай. Себебі бізде өз-өзіне қол жұмсау деректері көбейіп кетті. Біреуге ренжісе де, несие алып, төлей алмаса да өз өмірімен қоштасуға дайын тұрады. Енді бірі бұл...

Korrespondent.kz Қоғам

Бала Мұхаммедті ұрлаған әйел мультфильм көрсетіп, уақытылы тамақтандырған

Оңтүстік Қазақстан облысында жоғалып кетіп, қайта табылған 6 жасар бала тілшілерге сұхбат берді. Бүлдіршін қорқып қалған болу керек, әңгімесін қысқа ғана қайырды, деп жазды Tengrinews.kz. ...

Korrespondent.kz Оқиғалар

Кіру / Тіркелу

Копирайт

Сайт материалдарын қолдану үшін сілтеме көрсетуіңіз міндетті. Авторлық құқықтар және жарнама құқықтар толық сақталады.

Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауап береді.

  +7 (702) 5361474

E-mail: [email protected]

Мәтінде қате көрсеңіз, тінтуірмен белгілеп
пернені басыңыз: Ctrl+Enter