Жарнама көреміз бе, кино ма?
GK Game News - шаблон joomla Продвижение
Айдарлар
Menu

 Кіру / Тіркелу

Жарнама көреміз бе, кино ма?

  • Бекжігіт МӘУЛЕНОВ

«Мемлекеттік арналарда жарнамаға тыйым салу керек, бұл туралы Қазақстан медиасаммитінде «КТК» телеарнасының бас директоры Қанат Сахариянов айтты» деп хабарлайды Tengrinews.kz тілшісі.

«Мен былтыр көтерген заңнамалық бастаманы еске салғым келеді. Нақты айтқанда, шетелдік арналардағы жарнама туралы. Бұл не үшін істелді? Өйткені шетелдік арналар біздің медиа саламыздың дамуына бір тиын да қоспайды, ал біздің нарықтан үлкен табыс көреді (...). Енді мемлекеттік және жекеменшік арналар жайында. Мемлекеттік арналар бюджеттен қаржыландырылады, ал мемлекеттік бюджет – сіз бен біздің салықтарымыз», - деп атап өтті ол. Оның айтуынша, мемлекеттік арналар жекеменшік арналар төлейтін салық есебінен де қаржыландырылады.

Өз кезегінде «Хабар» Агенттігі АҚ басқарма төрағасының орынбасары Ринат Кертаев мемлекет бөлетін қаржы бір ғана арнаға емес, 7 мемлекеттік және 13 аймақтық арналарға таратылатынын түсіндірді. «Оның үстіне, «Қазақстан» және «Хабар» арналары кейінгі уақытта біздің жобаларды даярлауға аутсорсинг компанияларын тарту арқылы жекеменшік медианарықты белсенді дамытып жатыр (...). Мен бұл ұсынысты қолдамаймын, өйткені жарнамадан түсетін қаржыны заманауи техника сатып алуға және өзге де техникалық қажеттіліктерге жұмсаймыз», - деп түсіндірді ол.

«31 арна» директоры Бағдат Қожахметов те мемлекеттік арналарда жарнама таратуға қарсы шығып отыр, алайда ол мемлекеттік арналардың шетелдік контентті сатып алуын тоқтату керек дейді.

Сонымен қатар, Кертаев «Қазақ ТВ» арнасының 15 қазаннан бастап әлемде қазақ және ағылшын тілдерінде, ал ел ішінде орысша және мемлекеттік тілде хабар тарататынын хабарлады. «Айта кетейік, «Хабарда» шетелдік материал сатып алып жатқан жағдайлар бар. Алайда, әріптестерімізге қарағанда біз түрік сериалдарымен шектеліп отырмыз, себебі менталитеті ұқсас. Біз үнді сериалдарын көрсету арқылы бұдан да көп табыс таба алар едік, бірақ бізге контентіміз және құндылықтарымыз маңыздырақ», - деп атап өтті спикер. 

© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Наверх

Басқа бас мақалалар

Error: No articles to display

Кіру / Тіркелу

Копирайт

Сайт материалдарын қолдану үшін сілтеме көрсетуіңіз міндетті. Авторлық құқықтар және жарнама құқықтар толық сақталады.

Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауап береді.

  DivideGroup — сайт әзірлеуші

  

E-mail: [email protected]

Мәтінде қате көрсеңіз, тінтуірмен белгілеп
пернені басыңыз: Ctrl+Enter