ОҚО-да аудан әкімі әйелдердің алақаны жүрегіне нәзіктік беретінін айтып қалды
Оңтүстік Қазақстан облысына қарасты Созақ ауданының әкімі Мақсат Исаев жергілікті әйелдер қауымын төл мерекелерімен құттықтауды бастап жіберді. Осы мақсатпен аудан басшысы түрлі салада табысты еңбек етіп жүрген іскер әйелдерді қабылдады.
Еркін форматта өткен кездесуде әкім нәзік жандыларға тілегін жаудырып қана қоймай, әдемі әзілдеуді де ұмыт қалдырмады. Соның ішінде Мақсат Исаев еркектерге қарағанда әйелдердің жауапкершілігі жоғары екенін мойындады.
- Сіздердің еңбектеріңізді әрқашан да бағалаймыз. Өздеріңізбен замандас қыз-келіншектерге үлгі ретінде құрметтейміз... Әйел азаматтарға қашанда көмектесуге әзірміз. Сіздердің аялы алақандарыңыз біздің жүрегімізге нәзіктік береді,-деген аудан басшысы қабылдауға келген нәзік жандыларға гүл шоқтары мен сыйлықтар табыс етті. Құттықтауға ие болғандардың бірі - Маргарита Жоланова өзі тұратын Тайқоңыр елдімекені тұрғындарының атынан алғыс айтып, тіпті әкімге дәл бүгінгідей қалпында сымбатты болып жүре беру керектігі жөнінде кеңес берді.
- Созақ ауданы
- ОҚО
- ЮКО
- Сузак
- Мақсат Исаев
- Максат Исаев
- Корреспондент
- қызық ақпарат
